Descusión:Sierra de Sant Chust

Lo concepto de sierra de Sant Chust sale en la bibliografía ixamplau u restreito. Sale ixamplau en bell mapa u publicación dica incluyir la sierra d'Exulve u restreito sin incluyir-la. Como biquipedia en aragonés mos intresa emplegar-lo en la suya forma restreita pa tener los articlos de todas las sierras y formas de relieve, ye dicir, articlos de las sierras menors de qui dengún no informa, que a vegadas son microtoponimos orichinaus por la mesma luenga aragonesa. En lo libro Cuencas Meneras de la colección red naturaldeAragon emplegan lo sentiu ixamplau de sierra de Sant Chust en la pachina 14, pero en las pachinas 146-148 emplegan lo sentiu restreito. Comentan en la pachina 146 que la sierra de Sant Chust enlaza con Tres Mojones y Majalinos pero que plega dica lo pico Viento en Cirulleda. Dicen tamién que Tres Mojones ye la máxima elevación de la comarca y de las estribaciones de la sierra de Sant Just-Montes Majalinos. Los montes Majalinos (denominación que se puede trobar ya en lo sieglo XIX en lo libro Diccionario geográfico-estadístico-histórico de España y sus posesiones de Ultramar, de Pascual Madoz), se gosan incluyir en la sierra d'Exulve, alora Tres Mojones ye en la sierra d'Exulve y no en la de sant Chust. La distinción entre sierra de Sant Chust a l'ueste y sierra d'Exulve a l'este a traviés d'una zona de continuidat prou plana ye en linia con lo que veyemos en lo libro de João Baptista Labanha, que charra en portugués de la serra de San Justo y Pastor y la serra alta que chamao Collado de Don Blasco en lo Itinerario del Reyno de Aragón (1610-1611).--EBRO (descusión) 14:11 18 chun 2019 (UTC)